Alicia Villanueva, la promesa moza de la tonada

Acaba de componer la so primer pieza cola que fai homenaxe a so güela

La tonada, y tamién la inquietú musical, ye una cuestión familiar p’Alicia Villanueva. La moza, qu’estrena mayoría d’edá, heredó esta pasión de so güela Olvido, que tamién animaba los eventos en Bimenes.

L’ésitu de Villanueva, qu’arrasó en toles categoríes, siguiéronlu bien de cerca los sos vecinos. Ellos y la so familia son los sos principales fans, anque un furacu bien importante na so vida ye p’Anabel Santiago. La cantante casina fai, dende que Villanueva yera una neña, como profesora y como crítica. Una ayuda que la moza yerbata considera vital.

Esti añu debutó en categoría absoluta con bonos resultaos, pola so mocedá y inesperiencia, pero Villanueva, a pesar de que nun piensa en dedicase profesionalmente a la música, ye mui esixente pa consigo y ve entovía marxe a esgaya pa meyorar.

La promesa moza de la tonada acaba de componer la so primer pieza. Un cantar nel que fai homenaxe a so güela Olvido, a la que quier sorprender con esta lletra.

Toa una declaración d’amor de nieta, de mano d’una de les voces llamaes a garantizar el relevu xeneracional de la tonada.