Alsa, dispuesta a optar a l'axudicación de servicios de tresporte de pasaxeros d'alta velocidá ferroviaria

La compañía asturiana trabaya nel usu de combustible llimpio

Alsa confirma la so disposición a l’axudicación de servicios de tresporte de pasaxeros d’alta velocidá ferroviaria que se va producir en 2025.

Alsa quier xestionar trenes d’alta velocidá pa pasaxeros y trabaya pa concursar na segunda lliberalización de servicios, asegura Jacobo Cosmen, presidente d’Alsa, que descarta los trenes low-cost.

La compañía asturiana quier siguir medrando nel tresporte per carretera, y trabaya nel usu de combustible llimpio.

Apuesta pol carburante sintético porque, diz, ye sostenible tanto dende’l puntu de vista económicu como mediuambiental.

Alsa cunta con cuatro autobuses esperimentales d’hidróxenu qu’operen a nivel rexonal y local en Madrid y Aragón, y dientro de tres años piensa poner en marcha unu más pa llarga distancia.