Amazon allugaráse en Siero

Yá tien la llicencia de construcción pa facer una nave en Meres

Amazon allugaráse en Siero. Ye una noticia qu’adelanta TPA Noticies. Sedrá la so séptima sede n’España xunto a les de Madrid, Barcelona, Zaragoza, Valencia, Sevilla y Bilbao. El xigante de venta online decidióse pola opción de Siero poles facilidaes qu’alcontró pal so aterrizaxe.

Amazon acaba de pidir la llicencia d’actividá nel ayuntamientu de Siero p’asitiar nel conceyu'l so centru pa cubrir tol noroeste. Según señaló l’alcalde de Siero, Ángel García, l’asitiamientu y les comunicaciones fueron fundamentales a la hora d’escoyer Siero pa tener la so nueva sede.

Amazon yá tien la llicencia de construcción pa edificar una nave en Meres, Siero.