Amigos escontra la Droga d'Avilés cumple 30 años prestando asistencia a unes mil persones

En castellano: Amigos contra la Droga de Avilés cumple 30 años prestando asistencia

Jóvenes consumiendo alcohol en la vía pública

L'asociación nota que cada vez hai más problemes col consumu d'alcohol y cannabis

Amigos escontra la Droga cumple 30 años d'esistencia. Nesti tiempu, la entidá foi pionera nel tratamientu non residencial, nel usu de metadona y na coordinación coles Unidaes Terapeúticas y Educatives de Centros Penitenciarios. Nestes tres décades tuvieron tratamientu na asociación un millar de persones.

L'asociación foi una ayuda permanente pa usuarios como María José, que con 13 años fumaba cannabis y bebía alcohol. D'ende pasó a la heroína y en 1999 foi detenida por tráficu de droga. El so pasu per Villabona foi un puntu d'inflexón nel que tocó fondu y del que salió reforzada. Dempués de 18 años y yá llimpia, con cuatro fíos y seis nietos, va cuatro meses tuvo una recaída de la que ta saliendo cola ayuda d'Amigos escontra la Droga.

La entidá apostó pol tratamientu non residencial pa evitar l'aislamientu de los sos usuarios y nos últimos tiempos notó que cada vez hai más persones con problemes d'alcohol o cannabis que piden ayuda.

La entidá nos sos 30 años de vida trató directamente a un millar de persones, pero asistió y asesoró a munches más.

Comparte