Ángel Forcón, l'alma de 'Las Ayalgas de Silviella'

La so pasión ye coleccionar y reparar maquinaria y oxetos antiguos qu'arrexunta nel muséu

Fai 40 años qu'Ángel Forcón fízose con un biscúter. Esti microcoche, fabricáu nel nuesu país a mediaos del sieglu XX, foi la pieza cola qu'entamó la so estensa colección.

Unes máquines pa mayar sidra, heriedu familiar, fueron los siguientes inxenios que reparó. Y, a partir d'ende, reconoz qu'entamó a coleccionar de too.

Tres dellos años atropando oxetos, plantegóse qué podía faer con ellos. D'esi puntu d'inflexón surde 'Las Ayalgas de Silviella', un muséu nel que poder amosar toles sos ayalgues. Como, por casu, un carru del sieglu XV, o una taladru de columna de 1810. Pero, nesti muséu, hai oxetos de toa mena.

Un total de 1.300 pieces componen la colección d'esti 'ayalgueiru', que destaca pola so variedá: dende preseos de llabranza, a elementos de tortura de la Inquisición, pasando per manuscritos o ferramientes de toa triba. Anque Ángel reconoz que tien los sos favoritos.

D'un tiempu acá, ye más selectivu y prefier meyorar la colección a ampliala. Agora mesmu, busca una máquina de vapor pa incorporala al so Muséu de Silviella

Ángel esfruta buscando y coleccionando oxetos. Pero tamién-y entusiasma amosalos. D'ende que se convirtiera nel alma de 'Las Ayalgas de Silviella'.