Aprobada la toponimia del conceyu de Caravia

Afita les denomaciones de la capital como Prau y les sos dos parroquies como Caravia l'Alta y Caravia la Baxa

El Conseyu de Gobiernu aprobó la toponimia oficial del conceyu de Caravia, dempués de que'l conceyu validara'l dictame emitíu pola Xunta Asesora de Toponimia, qu'afita les denomaciones de la so capital como Prau y de les sos dos parroquies como Caravia l’Alta y Caravia la Baxa.

En cuanto el decretu asoleyáu nel Boletín Oficial del Principáu (Bopa), les alministraciones públiques van dir faciendo usu de los términos oficializaos, tanto na cartografía oficial como, gradualmente, nes señalizaciones y rotulaciones toponímiques.

A lo llargo d'esti mandatu, l'Executivu dio lluz verde a la toponimia de siete de los 12 conceyos pendientes d'oficializar, concretamente la de Cabrales, Castropol, El Valle Baxu de Peñamellera, Llanera, Pravia, Salas y Caravia.