Asaja y COAG piden uniformidá nel altor de zarros de finques pa prevenir ataques de llobu y osu

Les organizaciones espliquen que ye obligatorio tener una llicencia pa optar a les ayudes

Asaja y COAG Asturies pidieron al director xeneral d'Ordenación del Territoriu, Ignacio Ruiz, que s'unifiquen los criterios pa les ayudes por zarru de finques por mor d'ataques de llobu.

Nun comunicáu unviáu esti vienres, dambes organizaciones esplicaron que la normativa d'estes ayudes esixe un altor mínimu de los zarros ganaderos de 1,60 metros, mientres que la normativa urbanística de dellos conceyos como Cangas y Tinéu dexa un altor máximu de 1 metro.

Por esti motivu, COAG y ASAJA caltuvieron esti xueves una xunta con Ruiz pa pidi-y que “faiga toles xestiones necesaries pa que puea iguase esti problema” y que puea llograse que “esista uniformidá de criterios en tolos Conceyos asturianos” al respective del altor de los cerraos.