Asturies, ensin Conseyu de Tresparencia años dempués de la entrada en vigor de la llei
![Asturias, sin Consejo de Transparencia tres después de la entrada en vigor de la ley autonómica](https://www.rtpa.es/fotos//22/04/20220427142118_RTPA2055941.jpg)
Adrián Barbón resalta'l papel de la Sindicatura de Cuentes nel control de les alministraciones
El Conseyu de Tresparencia del Principáu sigue ensin construyise tres años dempués de la entrada en vigor de la llei autonómica. Los grupos nun alcontraron un candidatu de consensu y los espertos consultaos en TPA Noticies piden a los diputaos que lleguen a un alcuerdu.
La llei aprobada na Xunta Xeneral del Principáu, en setiembre de 2018, afita una mayoría de dos tercios pa escoyer al presidente del Conseyu de Tresparencia. Ye una mayoría más reforzada que n’otres comunidaes autónomes.
Bien sobre’l papel, porque asina’l conseyu tendría más independencia, mal na práctica porque tres años dempués de la entrada en vigor de la llei la Xunta, dixebrada en siete grupos parllamentarios, nun alcontró un candidatu de consensu pa presidilu. Nun ye un tema menor, de la so creación depende l’aplicación de munches otres cuestiones recoyíes na llei, inxerta la Oficina de Llucha escontra la Corrupción.
Al nun tar constituyíu’l Conseyu de Tresparencia del Principáu, los asturianos tán obligaos a dir al estatal cada vegada más atascáu.
Los espertos consultaos piden responsabilidá al parllamentu asturianu y dar exemplu nel cumplimientu de la llei. La tresparencia, y los órganos que la garanticen, insisten, son ferramientes indispensables nuna sociedá democrática.
Adrián Barbón resalta’l papel de la Sindicatura de Cuentes nel control de les alministraciones
El presidente del Principado d’Asturies, Adrián Barbón, destacó’l papel que la Sindicatura de Cuentes desempeña pa servir de "guía" coles sos esplicaciones y visión de futuru énte les alministraciones y entidaes, a les que non solo controla y detecta errores.
Barbón fizo estes manifestaciones por mor de la visita que fizo esti miércoles a la sede de la Sindicatura n’Uviéu.