Asturies, la segunda comunidá con menor porcentaxe d'execución de les inversiones del Estáu

El Gobiernu almite que'l 20 y el 21 fueron años mui difíciles pa executar inversiones

L'Estáu executó en 2021 el 40,51% de la inversión prevista n'Asturies, 148,1 millones d'euros de los 365,6 d'inversión inicial, según un informe de la Intervención Xeneral de l'Alministración del Estáu (Igae) -dependiente de Facienda-.

La execución media del Estáu foi del 67%, y Asturies foi la segunda comunidá con menor porcentaxe d'execución del conxuntu autonómicu, solo per delantre de Cataluña con un 35,77%.