Asturies Hub Defensa participará per primer vegada na feria internacional Eurosatory de París

ITS, Olmar, Verot, Idonial, Santa Bárbara y Rheinmetall tarán nel salón parisín

L’Asociación empresarial pal desendolcu de la industria de Defensa nel Principáu, l’Asturies Hub Defensa, estrenaráse’l llunes viniente nuna feria internacional del sector en París, ente’l 17 y el 21 de xunu.

Tarán nel pabellón español, que va llevar a más d’una trentena de firmes. Ente la representación asturiana tán empreses como ITS, Olmar o Verot, y el centru tecnolóxicu Idonial.

Multinacionales con producción n’Asturies como Santa Bárbara y Rheinmetall tamién tendrán presencia nel salón parisín.