Asturies aguanta ensin baxar del millón d'habitantes y gana población

La población asturiana medra un 0,16% nos postreros seis meses

La población asturiana medró un 0,16 por cientu ente abril y setiembre. Son 1.568 persones más. Esti aumentu ta percima del d'otres comunidaes como Canaries, País Vascu, Galicia, Castiella y Lleón o Andalucía.

A nivel estatal la medría foi d'un 0,25 nesti periodu. Onde más población se ganó foi en Baleares, Comunidá Valenciana y Madrid. L'aumentu en tol país débese a la llegada d'estranxeros. Les nacionalidaes más numberoses fueron la colombiana y la marroquina. En tercer puestu tán los españoles retornaos.