Asturies apuesta por un sector pesqueru que xenere más rentabilidá

Calvo: "Hai qu'acostumase cada vez más a pescar euros, non quilos de pexe"

El conseyeru de Mediu Rural y Cohesión Territorial, Alejandro Calvo, sorrayó esti llunes l'apueste del Principáu por un sector pesqueru que xenere más rentabilidá y dea más valor a la so actividá, adaptándola al momentu de mayor demanda en llugar de xenerar una ufierta desconectada de les esixencies del mercáu.

"Hai qu'acostumase cada vez más a pescar euros, non quilos de pexe", afitó Calvo na rueda de prensa de presentación del Plan Estratéxicu de la Pesca d'Asturies 2030, que contién unes midíes d'actuación que s'estructuren en cuatro exes principales, desenvueltes en 38 llinies d'acción que constituyen la fueya de ruta que va dexar sentar les bases de futuru de la pesca asturiana.

Indicó que, anque'l repartu de les cuotes ta condicionáu pola evolución de les especies y les decisiones tomaes a nivel européu por cuestiones científiques, nestos dos últimos años la so Conseyería consiguió mayores posibilidaes de pesca pa la flota asturiana.