Asturies esperará a conocer los detalles del prealcuerdu ente PSC y ERC pa pronunciase

El Sindicatu de Técnicos del Ministeriu de Facienda considera peligroso trociar l'Axencia Tributaria

La presidenta en funciones del Principáu, Gimena Llamedo, señaló esti martes que’l Gobiernu asturianu nun se pronunciará sobre’l "conciertu económicu solidariu" que pactaron ERC y el PSC pa la investidura de Salvador Illa como presidente de Cataluña hasta que nun se conozan los detalles del prealcuerdu.

"Esperen a que conozamos los términos exactos pa poder facer una declaración más precisa y en cuantes los conozamos nun tengan nenguna dulda de que lo fadremos", señaló la vicepresidenta y presidenta en funciones al entruga-y por esti asuntu na visita que fizo a La Llaboral de Xixón.

Llamedo namás señaló que n’Asturies hai un alcuerdu sobre financiación autonómica con tolos grupos políticos, menos Vox, y con otres comunidaes autónomes y que’l presidente del Principáu, Adrián Barbón, y el conseyeru de Facienda, Guillermo Peláez, fueron claros nesti asuntu