Asturies participa en 13 proyectos europeos d'anovación nel mediu rural
![Medio rural asturiano](https://www.rtpa.es/fotos//22/05/20220509133849_RTPA2099034.jpg)
Busquen soluciones a problemes rellacionaos cola biodiversidá, el desenvolvimientu rural y la producción agroalimentaria
Asturies participa como líder o sociu en trelce proyectos europeos d'investigación y anovación nel mediu rural que movilicen más de 18 millones enmarcaos en programes como l'Horizonte Europa, Interreg Europe, LIFE o PRIMA, que busquen soluciones a problemes rellacionaos cola biodiversidá, el desenvolvimientu rural y la producción agroalimentaria.
Eses iniciatives, que ponen en contactu a un centenar de socios de dolce países, promueven les actividaes d'investigación, el desenvolvimientu de modelos esperimentales, l'intercambiu d'esperiencies, la collaboración ente instituciones, y la puesta en marcha de proyectos pilotu.
Un exemplu d'estes iniciatives ye'l proyectu COMFOR SUDOE, lideráu pola Universidá d'Uviéu y nel que'l Principáu participa como sociu y que busca potenciar los montes autóctonos y desenvolver mases montiegues resilientes que dean respuesta al cambéu climáticu y al amenorgamientu de la biodiversidá.