Asturies reivindica nes sos cais la llucha de les muyeres pola igualdá real

Actos nes principales ciudaes del Principáu

Asturies reivindicó güei nes sos cais la llucha de les muyeres pola igualdá real en distintes concentraciones y actos que se repitieron esta mañana peles principales ciudaes. "Nun tas sola" o "Xuntes somos mas fuertes" fueron dalgunos de los lemes que sonaron con fuerza.

N'Uviéu, les muyeres comerciantes protagonizaron el 8M nel salón de plenos del Conceyu d'Uviéu. Ellí rindióse-yos homenaxe como exemplu de lluchadores y de trabayu constante por sacar los sos negocios alantre, esplica Sandra Solís.

N'Avilés, a les 12:00, lleóse'l manifiestu del 8M na plaza d'España onde se recordó que la llucha pola igualdá real nun acabó. Delles participantes recordaron que quieren caminar ensin mieu peles cais, espliquen Mercedes Naves y Laura Alonso.

Al empar, nos barrios avilesinos de La Xungarosa y Villalegre repartiéronse claveles per distintes cais y establecimientos.

En Llugo (Llanera) inauguróse una cai que lleva'l nome de 8 de marzu, informa Montse Alonso, conceyala d'igualdá de Llanera.

Un día teñíu de morao poles muyeres del ayeri, del güei y del mañana d'Asturies.