Webcams
Buscar
Asturies suma cuasi 13.000 hectárees quemaes n’ochobre
Les altes temperatures favorecen la propagación d’estos fueos
Ibias, Degaña, Tinéu, Cangas y Allande sumen n’ochobre un total de 12.825 hectárees arrasaes poles llames. L’ausencia de precipitaciones y les altes temperatures convirtieron a ochobre nel mes más secu de los últimos 45 años.
La temperatura media d’esti mes foi de 14'6, superando en dellos díes los 30 graos.
La lluvia foi escasa n’ochobre. Llovió menos. Récor tamién si lo comparamos con xunetu, el mes más secu del añu n’Asturies davezu, yá que llovió cuasi 4 veces menos.
Controlada pero non apagada
La quema qu’entamó na xornada del sábadu n’Ibias, ta controlada pero non apagada. Ye un reflexu más de los problemes qu’hai na fastera suroccidental asturiana en materia de fueu.
