Webcams
Buscar
Asturies tien 105.000 trabayadores mayores de 55 años
La población activa mayor de 55 años medró un 47% na última década n'Asturies
La población activa mayor de 55 años medró un 47% na última década n’Asturies, onde yá hai 105.600 trabayadores o persones que busquen trabayu nesa estaya d’edá, el 24 por cientu de la fuerza llaboral de la comunidá autónoma.
Va diez años, los sénior n’edá de trabayar representaben n’Asturies el 10 por cientu de la so población activa, según afita un informe de la Fundación Adecco, qu’asitia al Principáu, dempués de Castiella y Lleón, como la comunidá autónoma con mayor proporción de persones con más de 55 años trabayando o que busquen trabayu.
En 2013 contabilizábense 71.600 sénior, un 47 por cientu menos qu’anguaño, anque en comparanza con 2003 la diferencia medra hasta’l 147 por cientu porque va dos décades los mayores de 55 años trabayando yeren 42.600.
La xeneración más abondosa de la historia, yá supera la estaya de los 55 años y medra la proporción de persones sénior n’España, una "realidá que s’afitará n’imparable tendencia", según Adecco, qu’alvierte del problema que supondrá’l relevu xeneracional énte "una población activa ente la que falten los profesionales mozos".
Comparte
