Asturies ufiértase a acoyer 549 refuxaos ucraínos

Barbón: Vienen "meses difíciles"

Asturies ta dispuesta a acoyer, de momentu, a 549 refuxaos d’Ucraína, según aseguró esti miércoles el presidente del Principáu, Adrián Barbón, que señaló qu’esta propuesta foi treslladada yá al Ministru d’Inxerimientu, Seguridá Social y Migraciones, José Luis Escrivá.

Sicasí, amestó que’l númberu final que puea llegar a Asturies pue ser "bastante mayor" porque hai muchos ayuntamientos que tán amestándose al procedimientu abiertu y que, a la fin, tien que ser aprobáu pol Ministeriu de migraciones.

El presidente del Principáu reconoció que vienen "meses difíciles" nos que los gobiernos, inxertu l’asturianu, tendrán que tener "una visión mui social p’atender y sofitar a los colectivos más vulnerables y a les empreses pa que puean salir alantre" nun contestu de fuerte inflación y precios récor de la enerxía.

Barbón asumió esta situación al responder nel plenu de la Xunta Xeneral del Principáu a les dos preguntes feches pol PP y IX sobre la guerra d’Ucraína y les consecuencies qu’esti conflictu desatáu va dos selmanes puea tener na economía y nes families asturianes.