Asturies va pidir a Agricultura revisar protocolos de saniamientu por tar llibre de tuberculosis bovina

Ganadería analiza coles organizaciones agraries el programa nacional de sanidá animal

Asturies quier poner en valir énte'l Ministeriu d'Agricultura que ye una comunidá llibre de tuberculosis bovina dende l'añu 2021.

Por eso nuna xunta que va tener llugar el xueves en Madrid con responsables ministeriales, va pidir adaptar y revisar dellos protocolos de saniamientu ganaderu a la realidá de la cabaña ganadera asturiana.

La Dirección Xeneral de Ganadería tuvo analizando coles organizaciones agraries los aspeutos qu'hai qu'adaptar del programa nacional de sanidá animal.