Atopaos dos llobos muertos en Les Arriondes

El Principáu recuerda que'l control faise al traviés de batíes

Miembros de la Guardería del Mediu Natural recoyeron esta mañana dos exemplares de llobu atopaos muertos nel aparcamientu d'un supermercáu de Les Arriondes (Parres).

Los calabres fueron treslladaos a dependencies de la Conseyería de Desarrollu Rural y Recursos Naturales pa realiza-yos la necropsia, informó esti departamentu nun comunicáu.

La Conseyería, que yá punxo estos fechos en conocencia del Seprona, conderga esti tipu "d'actuaciones illegales que namás perxudiquen la imaxe d'Asturies".

Amás, recordó que'l control de llobos faise al traviés d'un plan de batíes que coordina'l Principáu.