Aumentu "cimeru" nel consumu d'ansiolíticos y antidepresivos

La pandemia provocó más trestornos de salú mental

La venta d'ansiolíticos y antidepresivos aumentó "abondo", según Cofas. La cooperativa farmacéutica afita que de payares a payares hebo una mayor distribución d'esti tipu de fármacos. Tamién los médicos de familia afiten que la pandemia provocó más trestornos d'ansiedá o depresión.

Los efectos de la pandemia sobro la salú mental afonden nel aumentu de l'ansiedá y la depresión. Los pacientes riquen más fármacos escontra estos trestornos. Asina lo señalen los médicos, anque apunten, amás, escontra otres causes como l'atención telefónica y la sobrecarga nel trabayu de los sanitarios.

Según indiquen médicos y psiquiatres tamién pue debese a que les persones que yá tienen una receta electrónica de dalgún fármacu d'esti tipu vayan mercalu a les farmacies ensin pasar per consulta médica. Inclusive anque la receta electrónica nun seya so sinón de dalgún familiar.

La Cooperativa Farmaceútica Asturiana afita una medría "cimera" na distribución y polo tanto, venta d'estes melecines nel últimu añu.

Ye difícil concretar un porcentaxe, pero la Federación Empresarial de Farmacéuticos Españoles cifra la medría del consumu nun 4% en toa España hasta setiembre.