Avilés quier recuperar una parte de la so muralla enantes de qu'acabe l'añu

Primer conceyu asturianu en regular l'apertura de viviendes d'usu turísticu

L’Ayuntamientu d’Avilés quier recuperar parte de la histórica muralla de la ciudá enantes de que remate l’añu gracies a una intervención consistente nel esbarrumbe d’unes edificaciones pa dar sitiu a un centru d’interpretación, proyectu que supondrá la inversión de tres millones d’euros, 2,1 d’ellos vinientes de fondos comunitarios.

L’actuación afectará a una parcela asitiada nes cais de Los Alas y La Muralla, onde ta prevista la recuperación d’un tramu de l’antigua muralla medieval de la ciudá.

Amás, ta prevista la construcción de 55 viviendes sobre unos tarrenes nos que’l Principáu tien en propiedá un 40%, según esplicó l’alcaldesa de la ciudá, Mariví Monteserín.

L’Ayuntamientu d’Avilés ye’l primer conceyu asturianu en regular l’apertura de viviendes d’usu turísticu

L’Ayuntamientu d’Avilés ye’l primer conceyu asturianu en regular l’apertura de viviendes d’usu turísticu. La nueva regulación quier evitar qu’haya zones tensionaes, y que nun haya vivienda pa los que quieran vivir n’Avilés. Dende agora, estes viviendes consideraránse locales abiertos al públicu y tributarán como cualquier otra actividá económica.

Prohíbense viviendes y pisos turísticos nos barrios residenciales de la periferia, y la so ufierta lléndase al centru d’Avilés y a zones residenciales nes qu’hai actividá comercial.