Avilés sedrá sede de la bienal del CXPX y los Arquitectos d'España

Sedrá la primer vegada qu'Asturies acueya esta cume

Avilés inxertará nel so calendariu de congresos del añu qu’entra 2023 les xornaes qu’entamen con calter bienal el Conseyu Xeneral del Poder Xudicial (CXPX) y el Conseyu Cimeru de los Colexos d’Arquitectos d’España.

La presidenta de la Xunión d’Arquitectos Peritos Forenses d’España, Arancha Espinosa, presentó esti llunes n’Avilés los preparativos pa les vinientes xornaes que tendrán llugar en payares de 2023, previsiblemente nel Centru Cultural Oscar Niemeyer.

Los entamadores tán na fase de búsqueda de conteníos de les xornaes, pero Espinosa yá adelantó que s’abordarán temes d’interés pa la maxistratura y los péritos xudiciales arquitectos “col envís de meyorar la profesión”.