Barbón critica la deriva d'un PP que quita y pon candidatos dende Madrid

El presidente llama a "recuperar la confianza" de los votantes de Vox nel sistema

El presidente del Principáu, Adrián Barbón, considera que’l PP d’Asturies enfréntase agora al problema de convertise nuna sucursal de Génova, cai na que s'afita la sede nacional de la formación y dende la que, na so opinión, dexóse a los populares ensin capacidá o independencia pa nomar candidatos o facer entrugues.

"Tienen un problema: son una sucursal que nun podemos nin llamar PP d’Asturies, sinón PP n’Asturies porque ponen y quiten candidatos dende la cai Genova de Madrid", afirmó’l presidente en rempuesta a la entruga que-y fizo esti miércoles nel plenu de la Xunta Xeneral la portavoz popular Teresa Mallada.

Esta vegada, Mallada pidiere al presidente que comentare "la última deriva llexislativa promovida pol Gobiernu de Pedro Sánchez n’asuntos tan importantes como la eliminación del delitu de sedición, la violencia sobre les muyeres o’l bienestar animal".

El presidente del Principáu, Adrián Barbón, defendió esti miércoles por tratar de "recuperar la confianza" de los votantes de Vox, que "nun son toos d’estrema derecha" sinón xente que ta "enfadao, cabreao y qu’entiende que’l sistema nun respuende a les sos problemátiques".