Barbón pon como prioridá formar la nueva executiva socialista n'Asturies

Destaca que sedrá plural, integradora y ensin vetos

L'alcalde de Llaviana, Adrián Barbón, aseguró, nuna entrevista en directo en TPA Noticies Matinal, que la so prioridá anguaño ye formar la nueva executiva socialista n'Asturies y poner en marcha'l so proyectu de cambéu.

Barbón destacó que sedrá una executiva plural y integradora y que nun atenderá a repartos de cargos.

Sicasí, aseguró que sofitará al Presidente del Principáu pa qu'acabe la llexislatura y cumpla'l programa de los socialistes.

Barbón ganó ayeri les Primaries na FSA col 60% de los votos, más de 3.300 frente a los 2.000 del so contrincante José María Pérez.