Barbón reivindica "tolerancia cero" escontra los casos de corrupción

Ábalos descarta dimitir

El presidente del Principáu y secretariu xeneral de la FSA-PSOE, Adrián Barbón, reivindicó esti domingu la "tolerancia cero" del so partíu escontra los casos de corrupción.

"Esti partíu foi siempres claru y yo, dende llueu, soilo. Hai tolerancia cero escontra la corrupción", contestó a una entruga sobre si’l diputáu José Luis Ábalos tien que renunciar al so escañu pol 'casu Koldo', la supuesta trama de comisiones fraudulentes na venta de mazcarines a alministraciones públiques na que s’investiga al ex-asesor del ex-ministru de Tresportes.

L’ex-ministru de Tresportes José Luis Ábalos aseguró que si la supuesta trama de comisiones illegales qu’afecta al so ex-asesor, el llamáu 'casu Koldo', fuere mientres siguía siendo ministru tendría que "dimitir darréu", mientres qu’agora como diputáu nun tien "nenguna responsabilidá".