Bimenes, un conceyu con una población mui avieyada

En Bimenes hai más xubilaos que trabayadores n'activo

A finales de los años sesenta del pasáu sieglu, les cuatro pequeñes mines de Bimenes pararon la so actividá. Eso fizo qu'hubiera una sangría demográfica que llevó al conceyu a pasar de cuasi 5.000 a los actuales 1.700 habitantes. Una población que, amás, ta mui avieyada y ye que, cuasi unu de cada tres vecinos supera los 65 años, y yá hai más xubilaos que trabayadores n'activo.

El núcleu más pobláu del conceyu ye Santuyano, con 272 habitantes. De los 104 núcleos de población yerbatos, nueve tán yá deshabitaos, namás Rozaes supera los 100 habitantes, y la mayoría de la población vive en pueblos con menos de 50 habitantes.

En términos económicos, Bimenes cunta anguaño con 260 emplegaos por 108 paraos. La mayor parte de la población activa dedícase al sector servicios, anque caltién la so importancia una de les señes d'identidá del conceyu: la industria cárnica del embutíu. Tres fábriques siguen produciendo'l popular chorizu de Bimenes, amparáu dende va tres años por una marca de calidá.

Cada añu, Bimenes celebra una feria n'honor a esti productu, polo que la repercusión económica del chorizu va más allá de los puestos de trabayu que xenera.