Bones previsiones pa la campaña del arándanu, qu'arranca en xunu

El vientu de los últimos díes complica los llabores nos cultivos

Dempués d’una llaboriosa poda, María José y el so home afronten la temporada de collecha con optimismu énte’l bon cuaye del arándanu pero con esmolición polos vaivenes térmicos. Ello llevólos a esplegar, daqué enantes que davezu, el plásticu pa protexer al frutu de posibles inclemencies.

El vientu de los últimos díes ta ralentizando’l so llabor y la medría de dalgunes partes de la finca.

En total, 4.700 plantes y siete variedaes, caúna d’elles con un ritmu diferente, de les que María José ta satisfecha cola so evolución y los nuevos biltos.

Si’l tiempu acompaña y too va según lo previsto, confíen en recoyer alredor de 9.000 kilos d’arándanos esta campaña viniente, qu’arrancaría nel mes de xunu.