Bruno González, un neñu de L'Entregu col síndrome KAT6A

La enfermedá supón ausencia de fala, problemes cardiacos o psicomotores

Alredor de 300 persones nel mundu viven cola enfermedá rara del KAT6A, conocida tamién como’l síndrome d’Arbole Tham. N’España son 27 y n’Asturies namás la tien Bruno González, un neñu de cuatro años de L’Entregu. Ye un trestornu xenéticu que supón ausencia de fala, problemes cardiacos o psicomotores.

El diagnósticu de Bruno llegó en 2019, sos padres víen un comportamientu distintu a los ñácaros de la so edá. Pa comunicase, esti entreguín alumnu del colexu públicu El Bosquín usaba una tablet.

El so casu ta n’estudiu na Universidá Pablo de Olavide de Sevilla, onde se busca una medicación especializada pa cada neñu. El costu d’esti tratamientu asciende a 21.000 euros semestrales. El so conceyu, Samartín del Rei Aurelio, vuélcase p’algamar financiar un medicamentu que frene l’avance de la enfermedá de Bruno.

Sobre manera, quieren que Bruno seya feliz y viendo la so sorrisa, paez que lo tán algamando.