Calvo pide que les comunidaes del noroeste lideren la estratexa nacional del llobu

Son les que cunten con tola "información" y la conocencia científica"

El conseyeru de Mediu Rural y Cohesión Territorial, Alejandro Calvo, afirmó esti vienres que les comunidaes d'Asturies, Galicia, Cantabria y Castiella y Lleón, nes qu'habiten el 95% de los llobos, tienen que ser les que lideren la estratexa nacional d'estos exemplares por ser les que cunten con tola "información" y la "conocencia científica".

Asina lo treslladarán los cuatro Executivos na xunta del próximu llunes cola ministra de Transición Ecolóxica y Retu Demográficu, Teresa Ribera, departamentu que quier incluyir a esti cánidu nel Llistáu d'Especies de Protección Especial (LESPRE), lo que supondría la prohibición de la so caza, una posición refugada por estes autonomíes.

"Hai qu'ellaborar una estratexa nacional, pero tien que tener en cuenta la xestión y les necesidaes reales del territoriu. Eso ye lo que nos esmolez y non lo que puea caber nun papel", punxo de manifiestu a entrugues de los periodistes, nel homenaxe a los dos operarios muertos tres ser soterraos por un ádene nel Puertu de San Isidro.