Cangas del Narcea pide la dimisión d'Hugo Morán pola nueva regulación del llobu

La midida recuéyese nuna moción que se treslladará al Ministeriu y al Principáu

L’Ayuntamientu de Cangas del Narcea presentará una moción na que se pide reformular l’inxerimientu del llobu nel llistáu d’especies protexíes y la dimisión del asturianu Hugo Morán, Secretariu d’Estáu de Mediu Ambiente.

El documentu afitábase esta mañana nuna xunta na que participaron l’alcalde, la conceyala d’Agroganadería y representantes locales de COAG, Asaja y UCA.

El ganaderu ye un sector fundamental nel conceyu y tanto Ayuntamientu como sindicatos insisten na necesidá, amás, de facer un control más fonderu de la población de llobos, meyorar los plazos y baremos de valoración d’estrozos y ampliar la participación de los cazadores nel plan de control y los cupos d’estracción.

Toes estes midíes inxértense nuna moción que, dempués de la so aprobación en Plenu, treslladaráse al Ministeriu de Transición Ecolóxica y al Principáu.