Cáritas atendió l'añu pasáu n'Asturies a un 35% más de persones nel so programa de búsqueda de Trabayu

La entidá celebra n'Uviéu'l primer Foru de Trabayu pa una economía d'oportunidaes

Sergio Da Silva ye d’Avilés, tien 28 años y lleva unu en búsqueda activa de trabayu. Ta buscando trabayu nel sector del comerciu y l’almacén. Pa él esta ye una manera más directa de presentase a les empreses.

Como Sergio, 47 persones participen nesti Foru de Trabayu con 13 empreses del Comerciu y la Lloxística que valoren daqué más que la esperiencia llaboral del demandante.

Una iniciativa cola que Cáritas busca romper torgues ente los desempleaos. El principal, el desconocimientu de lo que les empreses necesiten. L’añu pasáu, la entidá atendió un 35% más de persones nel so programa d’empleabilidá, onde se ve un cambéu de perfil.

En 2022, el programa de trabayu de Cáritas atendió a 895 persones n’Asturies, comunidá col 25% de la población en riesgu de probeza y un 9% en riesgu de probeza severa, según datos del últimu informe de la Rede Europea de Llucha escontra la Probeza y la Esclusión Social.