Castillejo, condenáu a dos años de cárcel y a 114.954 euros d’indemnización

Nun entrará en prisión énte la cantidá de pena y al nun tener antecedentes penales

L’ex-secretariu xeneral del Infide, dependiente del SOMA-UXT, Pedro Castillejo, foi condenáu a una pena de dos años de prisión pola so responsabilidá nun delitu siguíu d’apropiación indebida y al pagu d’una indemnización a la Fundación de 114.954 euros por desviar esa cantidá de dineru al so patrimoniu personal.

Pedro Castillejo nun entrará en prisión énte la cantidá de pena y al nun tener antecedentes penales.

El tribunal de la Sección Tercera de l’Audiencia Provincial d’Uviéu impón-y amás una multa d’ocho meses a razón de 10 euros caldía, lo que supón 2.400 euros, y deberá abonar igualmente la metá de les costes xudiciales, según s’afita na sentencia.

Nesta mesma causa foi xulgáu l’ex-secretariu xeneral del SOMA-ÚXT José Ángel Fernández Villa, entovía pendiente de sentencia dempués de que’l so xuiciu se viere retrasáu por dos ingresos hospitalarios.