Cientos de persones manifiéstense en Xixón por un feminismu de clase

Reclamen un feminismu combativu qu'inxerte a les persones trans

Dellos centenares de persones participaron esti vienres na manifestación convocada por delles asociaciones, ente elles el Sindicatu d’Estudiantes y la plataforma SAD, en Xixón, pa reivindicar un feminismu combativu y de clase que defenda los derechos de les trabayadores.

Les organizaciones convocantes desmarcáronse de la manifestación del 8M, Día Internacional de la Muyer, celebrada en Llangréu, al considerar nun ser representaes por "un feminismu edulcoráu que pon a toles muyeres nun mesmu nivel ensin tener en cuenta la so condición económica y social".

Los manifestantes concentráronse a les 19:00 en La Plaza Toros de Xixón y marcharon pa La Plaza L’Humedal tres d’una pancarta cola lleenda "Por un feminismu de clase y combativu. Viva la llucha de la muyer trabayadora" qu’ocupó la cabecera.