Cierra Fortia, la única empresa asturiana que fabricaba mázcaros
El Colexu de Farmacéuticos d'Asturies asegura que na última selmana les ventes medraron un 75%
La empresa Fortia, allugada en Morcín, responsabiliza al Principáu del so zarru'l 31 d'avientu. Reprócha-y nun apostar polos mázcaros asturianos nin pol calter social de la empresa, y de tener en cuenta solo'l preciu a la hora de mercar. Asina lo asegura Carlos Paniceres, responsable de Fortia.
Carlos Paniceres alvierte de que la rexón depende agora solo del productu chinu.
La empresa, que llegó a tener 40 emplegaos, cerró tres años y mediu dempués de la so apertura con tres trabayadores. Ta en liquidación y dando salida al material nun momentu nel que la demanda de mázcaros multiplicóse. Según el Colexu de Farmacéuticos d'Asturies, na última selmana les ventes medraron un 75%, un datu similar al d'España.