Ciudadanos presenta seis enmiendes pa meyorar les inversiones del Principáu en Xixón

Denuncien qu'a la mayor ciudá d'Asturies namás se destina'l 6% de los 921 millones previstos n'inversión

Ciudadanos va presentar seis enmiendes parciales venceyaes con Xixón que dicen sal mal paráu de les cuentes. En concreto denuncien qu’a la mayor ciudá d’Asturies namás se destina’l 6% de los 921 millones previstos n’inversión.

Ente eses enmiendes a les qu’entá nun punxeron cifra, hai una partida pa entamar la construcción d’un nuevu colexu en Nuevo Roces, o un nuevu consultoriu en Vega-La Camocha, pa les que’l Principáu namás destina, aseguren, pequeñes cantidaes.

Tamién pidirán dos nueves partíes específiques pa la Universidá Llaboral, una pa reparar la cúpula de la ilesia y otra pa llabores de caltenimientu del conxuntu.

Los accesos a la Zalia, tamién son oxetu d’enmiendes.