Colunga instala aseos públicos na entrada de la sablera de La Griega

Los baños incluyen servicios pa persones con movilidá amenorgada

La sablera de La Griega estrena tres aseos públicos asitiaos en mediu del aparcamientu, destinaos a atender a los visitantes y a apurrir serviciu hixénicu a los veceros del chiringu municipal próximu a la sablera.

Anque esisten otros baños a la fin del paséu, estos nun tán adaptaos pa persones con movilidá amenorgada, destaca José Ángel Toyos, alcalde de Colunga.

Los turistes sorpréndense al ver que los aseos son gratuitos. El consistoriu destinó una inversión de más de 2.000 euros pa la so instalación.

Avezaos y visitantes creen que son mui necesarios, especialmente pel branu pola llegada de públicu pero tamién pa caminantes y ciclistes.

Van tar disponibles hasta'l 30 de setiembre. Dende'l Conceyu de Colunga quieren que s'instauren cada branu.