Compañeros de partíu respeten la decisión de Javier Fernández

Mercedes Fernández pide qu'Asturies nun se convierta en moneda de cambéu ente socialistes

Alcaldes como los de Llaviana y Uviéu falaron güei de la decisión de Javier Fernández de nun presentase a la secretaría xeneral de la Federación Socialista Asturiana.

Tanto Adrián Barbón como Wenceslao López destaquen que yá son 17 años al frente de la FSA y hai que velo como daqué natural.

Sicasí, históricos dirixentes amosaron el so respetu, ensin entrar a falar de candidatos, anque sí destacaron que toca "anovación", tres la llectura fecha por Javier Fernández dempués de la victoria de Pedro Sánchez nes primaries del domingu pasáu.

Per parte de so, la presidenta de los populares asturianos, Mercedes Fernández destacó que respeta la decisión y pide qu'Asturies nun se convierta en moneda de cambéu ente socialistes.

Sicasí, el secretariu xeneral de Podemos Asturies, Daniel Ripa, faló güei en Madrid del fechu de que Javier Fernández nun se presente a la reelección al frente del PSOE d'Asturies.

Considera que nun se debe a los resultaos de les primaries, sinón que, diz, vien por mor de los casos de corrupción y por nun saber dar rempuesta a los problemes d'Asturies. Poro, Ripa dixo nun tar sorprendíu.