Concentración d'ucraínos n'Asturies

La comunidá ucraína nel Principáu pide sofitu a los gobiernos de la Xunión Europea

Decenes de persones, les más ucraínos residentes n’Asturies, concentráronse esti vienres en Xixón pa pidir a los gobiernos de la Xunión Europea que sofiten a Ucraína a parar la invasión rusa.

Con banderes d’Ucraína y pancartes cola cara de Putin y la palabra asesín, los manifestantes concentráronse esta tarde nel paséu marítimu de Xixón nun actu convocáu por una asociación de migrantes d’esi país.

A la concentración tamién fueron persones d’otres nacionalidaes y autoridaes municipales, ente elles l’alcaldesa de Xixón, Ana González, y el director de la Fundación Municipal de Cultura, Miguel Barrero.

Una portavoz de l’asociación pidió a los gobiernos d’España y d’Europa que "ayuden a Ucraína" a parar la guerra porque "Putin nun va parar y va atacar tamién a otros países"

"Ucraína ye un país llibre y los ucraínos tenemos derechu a decidir si queremos o non tar n’Europa o na OTAN", afirmó.​