Concentración pol Plan de Víes

Los vecinos zarraos denuncien el “silenciu" de les alministraciones estatal y rexonal

Representantes de la plataforma en defensa del Plan de Víes de Xixón concentráronse esta tarde na Plaza Mayor. Fáenlo pa sofitar a los zarraos nel Conceyu, qu'esixen una fecha concreta pa la firma del conveniu del proyectu ferroviariu.

Señalen que lleven 17 años de llucha vecinal y que nun piensen esperar más. Por eso concentráronse sol lema 'Robla del conveniu Yá', remanando'l mesmu pidimientu que los zarraos na Casa Conceyu: que’l plan de víes seya una realidá

Los representantes vecinales de Xixón encaren el so segundu día d'encierru na Casa Conceyu de la ciudá denunciando'l “silenciu" de les alministraciones estatal y rexonal al respective de la fecha concreta de la firma del conveniu del plan de víes.