Conciencia y inversión, les claves pa emplegar a persones con discapacidá

L'accesu al mundu llaboral de les persones con discapacidá pasa per un mayor sofitu económicu y per mayor conciencia social

Les muyeres y homes con discapacidá intelectual son persones cada vez más formaes y el mundu empresarial tien d'apostar por elles. Asina se reclamó güei en Tapia onde se volvieron a afitar les grandes posibilidaes qu'ufierta'l mediu rural pa entamar y trabayar, tamién pa esti sector de la población.

Nueve años tenía Rosa López cuando empezó a trabayar. Dende fai 27 dirixe l'Hotel Restaurán 'Canero', en Valdés.

Daqué más d'un añu lleva Jacaranda Sanz con 'La Desheredada'. El so proyectu testil que dende Navia da una nueva vida a la ropa de segunda mano.

Testimonios d'emprendimientu na zona rural qu'escucharon les usuaries de 'Fraternidad'. Dos exemplos de que vivir nes zones alloñaes de los grandes núcleos ye posible. Tamién pa estes muyeres. Una de les constantes reclamaciones d'estes asociaciones como señala Mayca Collado, xerente de l'asociación 'Fraternidad'. Porque la so capacidá pa desempeñar un trabayu, tamién na empresa privada, ye cada vez mayor gracies a la formación que reciben, esplica Eva Martínez, usuaria de l'asociación 'Fraternidad'.

Un sector de la población que busca'l so espaciu nel siempres complicáu mercáu llaboral.