Costes aprueba l'ampliación de la depuradora de Maqua n'Avilés

Mariví Monteserín considera que l'entamu del procedimientu "ye mui bona noticia"

El Ministeriu pa la Transición Ecolóxica y el Retu Demográficu dio anuncia esti miércoles del entamu del espediente de declaración d’innecesariedá de los tarrenes de dominiu públicu marítimu terrestre nos que s’asitia la estación depuradora d’agua residual (EDAR) de Maqua, nel conceyu d’Avilés, como pasu enantes a la so futura ampliación y meyora.

El Boletín Oficial del Estáu (BOE) asoleyó l’entamu del espediente y el correspondiente periodu d’información pública, como un pasu necesariu pa poder llevar alantre les obres previstes con plenes garantíes xurídiques.

Nesti sen, l’alcaldesa d’Avilés, Mariví Monteserín, consideró que l’entamu del espediente “ye mui bona noticia”, porque, dende agora, fadráse l’informe correspondiente pa despeyar el camín.