Cuadonga, cuasi vacía nel Día d’Asturies
Sanz Montes destaca la xestión del Principáu nuna pandemia con "mentires"
Poca xente en Cuadonga pa honrar a La Santina nesti Día d’Asturies diferente, condicionáu y marcáu pola pandemia.
L’arzobispu d’Uviéu, Jesús Sanz Montes, criticó que la xestión de la pandemia foi "desigual", baxo "muncha improvisación" y "abondes mentires", cola escepción d’Asturies, onde se fizo con "sensatez, prudencia y midíes razonables".
Sanz Montes ofició esti martes na basílica de Cuadonga una eucaristía a la qu’asistió’l presidente del Principáu, Adrián Barbón, el del parllamentu asturianu, Marcelino Marcos Líndez, y la delegada del Gobiernu, Delia Losa, ente otros.