Webcams
Buscar
Un homenaxe a los ganaderos treshumantes que viaxaben colos sos animales dende Asturies hasta Castiella
Los raigaños vaqueros de dalgunos de los xinetes de la ruta remóntase hasta'l sieglu XVIII. Primero qu'ellos, los sos antepasaos cruciaben col ganáu estos llugares camín de Lleón. Y güei, hasta un campeón d'España por equipos de Raid Amateur emula a esos ganaderos treshumantes.
Na modalidá ecuestre, la Ruta de los Vaqueros d'Alzada salió dende Valdunu, en Les Regueres, y a media mañana llegó hasta Llinares, en Proaza, pa facer una parada técnica y coyer fuerces.
Amás de los 40 xinetes que güei faen la ruta, hai otros 70 que faen la ruta a pie que salieron ayeri dende Les Regueres. En Teberga van dormir, pa que mañana un centenar de persones ente xinetes y caminantes completen los cerca de 70 kilómetros totales de ruta, nuna última etapa hasta Torrestío pa dar puxu a la tradición vaquera.
