Cuasi'l 20% de la población nacío n'Asturies vive fuera del Principáu

Demanden que s'incentive l'emprendimientu y haya más planes de torna

Cuasi un 20% de la población nacío n'Asturies, vive fuera de la rexón, bien n'otres comunidaes o en países estranxeros. Son cuasi 180.000 persones. Ye unu de los datos recoyíos nel Llibru Blancu de la Emigración Asturiana.

Compromiso Asturias XXI quixo faer una radiografía de la emigración asturiana. Amás de revisar bibliografía y analizar datos de distintes fontes públiques y privaes, ficieron una encuesta a más de 1.500 asturianos residentes en 58 países. Son munchos, lo que reconocen que quieren volver, anque un gran porcentaxe nun guarda relación cola rexón.

Más del 60% coló por meyores oportunidaes llaborales. Ente les sos principales demandes tán que'l Principáu incentive l'emprendimientu y qu'haya más planes de torna.