Cúmplese un añu dende l'aprobación inicial del reglamentu de llaicidá de Xixón

La norma salió alantre na recta final del mandatu d'Ana González como parte del alcuerdu ente PSOE y IX

Un añu dempués de la so aprobación inicial nel Plenu municipal el reglamentu de llaicidá sigue a la espera. Yera unu de los puntos del alcuerdu de gobiernu robláu en 2019 ente PSOE y Izquierda Xunida. La so tramitación retrasóse hasta'l final del mandatu y quedó conxelada col cambéu de gobiernu.

Les tres fuerces de la derecha opónense a la norma, que recibió dos allegamientos qu'entá nun fueron resueltos. Pa Luis Fernández, presidente d'Asturies Laica, una de les promotores del reglamentu, esta situación de bloquéu pue sirvir pa faer pedagoxía de la necesidá del mesmu.

Primero que Xixón, solo un Conceyu, el de Rivas-Vaciamadrid, aprobara un reglamentu que llendara la participación de la corporación municipal n'actos relixosos.