Da-y una nueva vida a los residuos de plásticu

Una empresa praviana recicla 400 tonelaes de plásticu al mes

Cuatrocientes tonelaes de plásticu. Esto ye lo que se recicla al mes en Recinpra, una empresa praviana, que cunta con una trentena de trabayadores. El primer pasu, a la hora de da-y una nueva vida a los diferentes tipos de plásticu ye clasificar.

Nel casu del PET, el plásticu con más vides posibles, el procesu acúrtiase al nun tener que llavalo.

Sicasí, cuando nació la empresa en 2013, entamaron reciclando madera, llueu llegaron el papel y el cartón y, finalmente, el plásticu. Materiales que traten pa que puean reutilizase.

Nos últimos años la so medría foi meteórica, daqué qu’achaquen a les normatives europees pero tamién a la concienciación ciudadana.

Al empar, esta empresa aspira a siguir medrando. De fechu, próximamente inxertarán una nueva llinia de reciclaxe cola que triplicarán la producción.