David Carragal tenía dos golpes, unu "compatible" cola so cayida

Carta pública de la familia de David Carragal

Según pudo saber TPA Noticies de fontes de la investigación, l'informe forense preliminar pola muerte de David Carragal señala que recibió dos golpes. Unu d'ellos, el más grave, nel llau izquierdu de la cabeza, pudo dase al cayer al suelu.

Según el testimoniu de les persones que lu acompañaben, trató de llevantase pero entamó a convulsionar. Convulsiones que tamién-y provocaron mancadures.

La investigación sigue y nun se refuguen nueves declaraciones mientres el presuntu responsable del homicidiu, Jorge Cue de 18 años ta en prisión onde ta siendo reconocíu pa evaluar el so posterior treslláu a unu de los módulos de la UTE.

Per otru llau la familia de la víctima fizo pública una carta na qu'agradez tol sofitu recibíu y les amueses de ciñu y respetu, pero llanza una reflexón.

Cree que ye'l momentu de revisar les nueses lleis. Nun podemos dexar, diz el testu, "que dellos miembros de la sociedá traten la vida como si d'un videoxuegu se tratara nel que los asesinos nun tienen castigos" y piden xusticia.