Día Mundial del Perru: caltiénse la cifra d'abandonos, pero baxen les adopciones

L'añu pasáu n'España abandonáronse 286.000 perros y gatos

Cada 21 de xunetu celébrase'l Día Mundial del Perru, creáu pa concenciar sobre l'abandonu de mascotes y promover les adopciones, pero anguaño la cifra d'animales abandonaos sigue estable mientres que'l númberu de perros adoptaos menguó, llamenten espertos consultaos por EFE.

Confírmalo l'análisis de los socesivos estudios añales de la Fundación Affinity. La so directora, Isabel Buil, esplica que la razón de dedica-yos un día pel branu ta mui rellacionada col fechu de que "yera la dómina na que más abandonos se daben, pero anguaño yá nun ye asina" porque'l desamparu d'estes mascotes pue soceder en cualquier momentu y, en tou casu, "les cifres d'abandonu tán estables".

La Organización Mundial de la Salú envalora que'l 70% de los perros a nivel global nun tien llar y, nel casu d'España, según la fundación, en 2023 170.712 perros fueron recoyíos poles protectores, una cifra “mui similar al añu anterior".