Diez años ensin la fábrica de Lloza de San Cloyo

La factoría llegó a tener 600 trabayadores

La fábrica de Lloza de San Cloyo zarró les sos puertes va 10 años con daqué más de 40 trabayadores, anque na dómina d’esplendor de la factoría llegaron a ser más de 600 trabayadores.

Foi daqué más d’un sieglu d’actividá fabricando cerámica de mesa caracterizada por usar modernes técniques de decoración con esmalte. El pieslle non solo foi un duru golpe pa munchos vecinos de San Cloyo que trabayaben ellí, sinón que tamién repercutió na vida y na actividá comercial de la zona.

Cuasi nada queda de la grandeza de la llocería nos sos 28.000 metros cuadraos de superficie, agora abandonaos. A los qu’hai qu’amiestar otros 30.000 metros cuadraos na contornada de la Fábrica de Tubos, zarrada dende va tres años.

Usar los terrenos como recintu ferial o p’atraer nueves actividaees empresariales, son dalgunes de les propuestes vecinales pal futuru d’una fábrica, na que la so producción llegó a ser reconocida a nivel internacional.